A' toirt thugaibh na criomgan naidheachd as ùire

Muinntir na h-Eilbheise air bhòtadh airson pòsadh aon-sheòrsach

2021-09-26

1 mion.

Tha cha mhòr dà thrian de luchd-bhòtaidh anns an Eilbheis air bhòtadh airson pòsadh aon-sheòrsach a dhèanamh laghail san dùthaich.

Bhòt 64.1 sa cheud de luchd-bhòtaidh agus a h-uile gin de na 26 cantonaichean (sgìrean) air a shon.

A bharrachd air pòsadh aon-sheòrsach, tha e a’ ciallachadh gum faod càraidean aon-sheòrsach clann uchd-mhacachadh agus gum faigh boireannaich chùeire cothrom air leigheas torrachais.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.